-- ADVERTISEMENT --
BUTUAN CITY – Nakuha sa lungsod sa Tampakan sa South Cotabato ang Guinness World Record alang sa duna’y pinakadaghang na-pedikyuran sulod sa walo ka mga oras.
Nasayrang mi-abot sa 160 ka mga nail technicians ang misamot og nag-pedicure sa 1,223 ka mga tawo.
Ilang nalabwan ang Guinness record nga gikuptan sa Canada sukad pa niadtong 2015 nga mi-abot sa 1,085 ka mga tawo ang ilang napedikyuran.
Ilang nakuha ang record dungan sa Tamfaken Lum’alay Festival niadtong Hunyo 15 atol sa ilang ika-55 nga anibersaryo. Gi-anunsiyo ni Kazuyoshi “Kazu” Kirimura ang Guinness official adjudicator, ang maong kalampusan.
Gipasalamatan usab ni Tampakan Mayor Leonard Escobillo ang mga misalmot aron makuha nila ang maong record.
-- ADVERTISEMENT --
