BUTUAN CITY – Hingpit nang nahimong barangay ang Guinhalinan sa lungsod sa Barobo, Surigao del Sur human ang malampusong plebisito niadtong Sabado, Agusto 10 kansa maoy nag-ratify sa kamugnaan niini pinaagi sa Republic Act 11986 kansa una nang na-aprubahan niadtong Marso 21 ning tuiga.
Sa press statement nga gipagawas ni Commission on Elections kon COMELEC spokesperson John Rex Laudiangco, pulos midaog ang YES vote sa duha ka mga designated voting centers sa maong lugar kondiin gikan sa 2,574 ka mga registered voters, 1,434 ang mibotar og YES samtang 14 ang NO.
Samtang gibutyag usab ni Surigao del Sur provincial election supervisor Atty. Ernie Palanan nga tungod sa kamugnaan sa bag-ong barangay, ang mayor na sa lungsod maoy magtudlo og mga interim officials gikan sa punong barangay, pito ka mga Sangguniang Barangay members, Sangguniang Kabataan chairman ug members kansa magserbisyo hangtud nga ang ilang mga successors, mapili na sa hingpit.
