Gubot nga lamisa, timaan matud pa ka-utukan sa migamit niini

BUTUAN CITY – Daghan kanato ang tinudlu-an sa atong mga ginikanan nga kinahanglang hinlo kanunay ang palibot apan duna gyoy mga tawo nga sa atong pagtuo, gahi-an og ulo ilabina diha sa lamisang gamiton nila sa mga paper works.

Migawas sa bag-ong pagtuon nga ang gubot nga lamisa, senyales matud pa sa kautukan sa tawong migamit niini.

Base sa pagtuon sa mga researchers sa University of Minnesotta sa Amerika, ang mga tawong nagtrabaho sa gubot nga work space, nasutang mas creative ug mas duna’y saktong paagi kumpara niadtong kanunay nga manghinlo sa ilang lamisa.

Migawas usab sa pagtuon nga mas daghan ang mahimong trabaho kon makapagawas sa ilang ka-utukan ang mga trabahanteng gubot ang office desk.