BUTUAN CITY – Nagdeklara og 30‑ka adlaw nga nationwide state of emergency si Guatemala President Bernardo Arevalo aron batukan ang mga criminal gangs human sa pagpatay sa walo ka pulis ug riot sa tulo ka prisohan.
Ang insidente nahitabo sa capital nga Guatemala City ug kasikbit nga mga lugar – usa ka adlaw human nga ang mga pinirisong konektado sa gang, mi-hostage sa 46 ka tawo sa tulo ka prisohan bugti sa gipangayo nila nga ibalhin ang ilang mga lider ngadto sa mas ubos nga security facilities.
Sigon sa presidente, nakuha na pag‑usab sa mga otoridad ang kontrol sa tanang prisohan. Una nang gipahibalo sa kapulisan ang kamatayon sa walo ka opisyal samtang nagserbisyo.
Sumala ni Interior Minister Marco Antonio Villeda, ang pagpamatay gihimo sa mga terorista isip balos sa aksyon sa estado batok kanila kondiin napulo ka mga pulis ang angol ug usa ka gang member ang napatay.
Ang maong emergency measure, kinahanglan pa aprobahan sa opposition‑controlled Congress, nag‑suspenso sa katungod sa pagtigum ug nagtugot sa pagdakop ug pag‑imbestiga bisan walay court order.
Ang presidente sa Kongreso, si Luis Contreras, nanawagan og paghiusa aron atubangon ang usa sa labing sakit ug hagit nga mga panahon sa kasaysayan sa nasud.
