BUTUAN CITY – Giangkon sa mga mananagat sa Zambales nga ning gamay ang ilahang kita tungod kay mas gipili na lamang nila nga dili na managat sa Bajo de Masinloc.
Kini tungod usab sa kahadlok sa hulga sa China nga dakpon sila, nunot sa pagpatuman niini sa ‘no trespassing rule’ sa West Philippine Sea.
Sumala sa usa sa mga lider sa mga mananagat sa Zambales nga si Philip Macapanas nga tungod kay dunay mga barko sa China nga nagbantay sulod sa Bajo de Masinloc, mas gipili nalamang nilang dili nalang mangisda sa maong dapit.
Sigon ni macapanas nga anaa matud pa sa 7-mil ngadto sa 8-mil ang kitaon sa usa ka mananagat matag semana kung libre pa silang makapanagat sa maong bahura, apan karon nga anaa na lamang sila sa gawas niini, tag- usa ka libo nalamang ang ilahang kitaon matag semana.
Dugang sa maong opisyal nga nangahadlok na ang ilahang mga kauban nga managat sa maong dapit tungod kay duna na usab silay mga kaubanan nga nakatilaw na sa pagpang water cannon sa China.
