-- ADVERTISEMENT --
BUTUAN CITY – Nakasakmit ug naka-break og record si swimmer Gary Bejino sa unang gold medal sa 13th ASEAN Para Games, human niya natala ang bag-ong meet record sa men’s 400-meter freestyle S6 event sa oras nga 5 minutos ug 32.08 segundos sa 80th Birthday Aquatics Center.
Si Bejino, nga nakaduwa sa Tokyo Paralympics niadtong 2021, milabaw sa iyang daang record nga 5:38.26 nga nahimo sa Cambodia niadtong 2023.
Ang iyang kadaugan gihimo niyang espesyal nga regalo alang sa iyang anak nga si Gray, nga nag-2 anyos sa unang adlaw sa torneo.
Ang maong kadaugan naghatag og kusog ug inspirasyon sa Philippine delegation, nga nagsugod sa ilang kampanya sa ASEAN Para Games uban sa dakong paglaum ug determinasyon.
