BUTUAN CITY – Duna’y natalang grassfire sa Brgy Maslog, Canlaon City, Negros Occidental kansa resulta sa natigayong massive explosive erruption sa bulkang Kanlaon pasado alas-6:07 kagabii.
Una nang gibutyag ni Pearly Sianson, Science Research Specialist sa Philippine Institute of Volcanology and Seismology kon PhiVolcs Kanlaon Observatory, mi-abot sa 5,000-metros above crater level ang gihabugon sa gibuga niining plumes padulong sa habagatang sidlakan ngadto sa amihanang sidlakan sa bulkan.
Alayon niini, gila-umang ma-apektuhan sa ashfall ang lungsod sa La Castillana, San Carlos City ug Kanlaon City. Hugot gihapong gidili ang pagsulod sa 4-kilometer permanent danger zone ug anaa sa alert level 2 gihapon ang status sa bulkan.
Nagpahimangno si Sianson nga magpabiling alerto ug magsuot og face mask ilabina nga duna na’y natalang ashfall sa Brgy Biak-na-Bato sa lungsod sa La Castellana sa Negros Occidental.
Madumdumang kini na ang ikatulong pagbuto sa bulkang Kanlaon karong tuiga sunod niadtong Pebrero 19 ug 26.
