BUTUAN CITY – Nagkansela sa ilang klase karong adlawa ang management sa Grand View Colleges isip suporta sa gikalipay nilang tinuig nga blood-letting activity sa Bombo Radyo Philippines, ang ‘Dugong Bombo 2017.’
Sigon sa presidente sa maong kolehiyo nga si Manny Esteves, gimando gilayon niya sa tanan nilang mga estudyante apil na ang faculty and staff nga mulambigit sa maong kalihukan sa Provincial Capitol Training Center ning siyudad sa Butuan.
Gi-andam na karon sa maong kolehiyo ang 300 ka mga certificates of scholarship alang sa tanang mga successful blood donors isip pagpasalamat nila sa tanang nag-donate kansa pagpakita matud pa sa diwa sa pagtinabangay.
Gitin-aw ni Esteves nga full scholarship ang ilang ihatag aron wala na’y mabayrang tuition fee og miscellaneous ang maka-avail niini.
Wala matud pa’y angayang ikabalaka ang mga nag-edad na nga mudawat sa maong certificate tungod kay transferable hinungdan nga mamahimong ihatag sa ilang mga kabanay o kaha mga silingang gustong makatungha sa kolehiyo. (Beth Ruiz)
