BUTUAN CITY – Gipasalamatan sa kapulisan sa Surigao City ang pipila ka residente nga misumbong sa ilang buhatan kalabot sa napalgang sa may Barangay Sabang 3, Surigao City.
Sa ilang pagresponde pasado alas-8:20 kagahapon sa buntag, luwas nga nakuha sa mga sakop sa Explosives and Ordnance Disposal kon EOD team sa Surigao City Police Station ang usa rifle grenade ingon man Nokia 1200 cellphone gikan sa usa ka garbage collector nga maoy mitaho niini ngadto sa mga otoridad.
Giputos pa kini og puti nga cellophane kondiin daling gilusad ang safety procedures. Gipasalamatan ni
Police Chief Supt Gilberto DC Cruz, regional director sa Police Regional Office kon PRO-13 ang kooperasyon og suporta sa mga komunidad tungod kay seguradong daghan ang matalang casualty kung kini nakaboto pa sa pampublikong lugar. (Beth Ruiz)
