BUTUAN CITY – Aminado ang Canadian singer/song writer nga si Dan Hill nga gimingaw na siyang mag-perform sa Pilipinas tungod sa init nga pagdawat sa mga Pinoy fans kaniya.
Sa eksklusibong pakighinabi sa Star FM Baguio, gibutyag niining dili makalimtan ni Hill ang iyang mga kasinatian dihang una siyang nag-concert sa nasud niadtong tuig 2011 nga gisundan ning mi-aging tuig.
Kini ilabina dihang iyang naka-uban pag-perform ang mga Pinoy singers nga sila Angeline Quinto ug Kyla kinsang talento, makabilib.
Gipa-ambit usab niini nga nakagama siya og kanta samtang anaa sa COVID-19 pandemic ang kalibutan nga gila-uman niyang magustuhan gihapon sa iyang mga Pinoy fans.
Wala usab niini kalimti ang pagsulti sa sikat nga mga taglines sa Star FM ug Bombo Radyo.
Apil sa mga kantang gipasikat ni Dan Hill ang ‘Sometimes When We Touch’, ‘Can’t We Try’, ‘Why Do We Always Hurt The Ones We Love’ ug daghan pang uban.
