BUTUAN CITY – Patay nang napalgan ang usa ka Grade-11 nga babayeng estudyante human nahulog ang iyang gisakyang motorsiklo sa irrigation canal sa Sitio Maledda, Barangay Ipil, Tabuk City.
Nasayrang sakay sa motorsiklo ang biktimang si Precious Kate Arcio ka-uban ang 19-anyos nga si Ashlyn Tandingan dihang sila na-aksidente sa parte sa National Irrigation Administration kon NIA canal.
Unang naluwas si Ashlyn kinsa gidala gilayon sa ospital samtang gipangita si Precious Kate human gika-ingong na-missing.
Sigon ni PCapt. Ruff Manganip, spokesperson sa Kalinga Police Provincial Office, padulong unta ang mga biktima sa usa ka restaurant bar ug tungod kay naka-inom ang driver nga usa sa mga biktma, rason nga na-miskalkula ang panaog ug kurbadang dalan hinungdan sa aksidente.
Na-abtan pa og usa ka adlaw ang pagpangita kang Precious adiser kini napalgan sa Brgy. Bulanao sa susamang syudad nga wala na’y kinabuhi.
