BUTUAN CITY – Hustisya ang singgit sa kabanay sa usa ka Grade 10 nga estudyanteng dalagingding tungod sa brutal nga kamatayong nahi-aguman niini sa hilit nga dapit sa Barangay Anonang, Mulanay, Quezon human gipatay pinaagi sa paggulgol sa li-og niini.
Sigon sa usa ka saksi, nakita pa niya ang suspek nga si alyas Marcelo, residente sa Brgy. Magsayday nga migukod sa biktimang naghilak padulong sa lasang rason nga nangayo gilayon siya og tabang apan ulahi na ang tanan tungod kay wala na’y kinabuhi nga na-abtan nila ang biktima.
Daling misibat ang suspetsado human sa kremin rason nga padayon kining gipangita sa kapulisan.
Nakurat matud pa ang katawhan sa maong lugar tungod kay wala’y dautang record ang suspek rason nga nagpadayon pa ang imbestigasyon aron masuta ang motibo sa kremin.
