-- ADVERTISEMENT --
BUTUAN CITY – Tumang kalisang ang gibati sa mga residente sa Bolonsori, Brgy Camaman-an, Cagayan de Oro City tungod sa grabeng pagbaha kondiin misulod na sa kabalayan ang tubig-baha hatud sa kusog nga pagbundak sa ulan.
Nakuhaan pa og video sa mga ka-ubanan sa balay ni Emmalyn Orong Dairo ang pagsulod gayod sa tubig-baha samtang nalingaw sila og tapok sa iyang mga classmates.
Tungod sa kapaspas sa pagsulod sa tubig-baha nga duna’y sagol lapok, na-trauma silang nakasaksi niini ilabina nga duna’y ilang mga appliances nga nangadamay.
Nasayrang ubay-ubay na nga mga netizens ang nag-post sa social media sa ilang mga kasinatian sa maong baha.
