BUTUAN CITY – Gikumpirma sa chief of staff sa Surigao del Sur Provincial Governor’s Office nga nagpositibo sa coronavirus disease 2019 kon COVID-19 si Governor Alexander ‘Ayec’ Pimentel.
Sigon ni chief of staff Marjorie Pagaran, naka-quarantine na ang gobernador bisan og wala kini magpakita og simtomas sa maong sakit kon asymptomatic.
Tungod sa iya karong nasinatian, nanawagan ang gobernador ngadto sa tanang mga Surigaonons nga hugot nga batukan ang COVID-19 pinaagi sa pagsunod sa mga health protocols ug kanunay lang nga magpuyo sa balay.
Sa pagkaron, base sa COVID-19 situational report sa Department of Health kon DOH-Caraga, ang Surigao del Sur, nakatala na og 51 ka mga COVID-19 positives kondiin apil ang gobernador sa pinaka-ulahing nagpositibo sa maong coronavirus.
