BUTUAN CITY –Aprobado na sa Slovenian government ang desisyon nga ilhon ang Palestine isip independent state, kini ang gikabutyag sa Prime Minister sa maong nasod nga si Robert Golob, alayon niini, gikinahanglan usab nga aprobahan ang maong desisyon sa nasangpit parliamento sa maong European Union member country.
Usa ang maong lakang sa pipila lamang ka mga pagpaningkamot sa ubang kanasoran nga ma pressure ang Israel sa pagtapos na sa gyera niini sa Gaza.
Sigon ni Prime Minister Robert Golob nga kinahanglan nga undangon na sa Israel ang pakiggyera niini sa mga Hamas sa Gaza kansa nakaapekto sa liboan ka mga Palestino, ingon man nanawagan usab kini nga buhian na ang mga hostage sa duha ka mga nasod.
Alayon niini, gipataas usab sa Slovenian government ang flag sa Palestine uban sa ilahang kaugalingong bandila ug sa bandila usab sa European Union kon EU isip simbolo sa pag-ila sa Palestine. Kahibaloan nga niadtu lamang Mayo 28, giila usab sa Espanya, Greenland ingon man sa Norway ang Palestine isip estado, kansa maoy nakapasuko sa Israel.
