BUTUAN CITY – Gipaneguro sa Palasyo sa Malakanyang nga andam silang motabang ugaling pangayoon sa Interpol ang tabang mahitungod sa matud pa warrant of arrest nga gipagawas sa International Criminal Court batuk kang kanhe Pangulong Rodrigo Duterte.
Sigon ni Palace Press Officer USec Atty Claire Castro dili magduha-duha ang gobyerno nga ipatuman ang warrant of arrest nga gi-isyu sa international criminal court batuk kang kanhe Pangulong Rodrigo Duterte basta moagi kini sa saktong proseso ug nahiuyon sa balaod.
Dugang pa ni Castro nga andam usab ang mga law enforecement agency nga tumanon ang ilang mandato mahitungod niini basta pangayoon sa international police o interpol ang tabang sa gobyerno ug wala kini nasupak nga balaod.
Sa pikas bahin, gisiguro usab ni Castro nga pug-ngan sa gobyerno ang bisan unsang posibleng kagubot nga mahatud sa pagduso sa warrant of arrest kang kanhe pangulong duterte.
Panawagan usab ni Castro sa mga supporters sa kanhe Pangulo nga dili magmagahe ug dili na manghilabot sa proseso ugaling mahinayon ang pagpa aresto sa ICC kang Duterte ug pasagdang mo-abante ang balaod ug rule of law.
