BUTUAN CITY – Pormal nang gidawat sa National Police Commission (NAPOLCOM) ang optional retirement ni P/Gen. Nicolas Torre III, nga nagtimaan sa iyang pagbalhin gikan sa serbisyo sa kapulisan padulong sa sibilyang kadumalahan sa Metropolitan Manila Development Authority (MMDA).
Sa iyang pagbiya, na-ablihan ang dalan alang sa paglingkod ni acting PNP Chief Lt. Gen. Jose Melencio Nartatez Jr. isip sunod nga hepe sa nasudnong kapulisan, tungod kay naghulat na lang kini sa kumpirmasyon ang iyang four-star rank.
Si Torre nagsilbi sa PNP sa nagkada-iyang mga posisyon sa wala pa siya ma-assign sa MMDA, diin gilauman nga madala niya ang iyang kasinatian sa pamalaod ug seguridad.
Samtang, nailhan si Nartatez sa iyang kampanya alang sa mas hugot nga disiplina sulod sa hanay sa kapulisan.
Kapin sa usa ka libo ka mga personnel ang na-dismiss ug kapin usab sa usa ka libo ang nasuspinde niadtong 2025 tungod sa mga kasong administratibo nga gi-aksyunan ni Nartatez.
Niadtong Enero 2026, gipasalig sa bag-ong PNP chief nga gamiton ang pondo sa PNP alang sa pagpalig-on sa kalinaw, kahusay ug kaluwasan sa publiko.
Ang dungan nga pagbalhin ni Torre sa MMDA ug ang gila-umang kumpirmasyon kang Nartatez, kabahin sa mas halapad nga reporma sa law enforcement ug sa panggobyerno.
