BUTUAN CITY – Natabla na sa 2–2 sa best-of-seven nga PBA 50th Season Philippine Cup semifinals ang Barangay Ginebra batok sa San Miguel Beermen human sa ilang 105–91 nga kada-ugan.
Nahimong bayani sa kada-ugan sa Ginebra si Scottie Thompson nga mitala og 35 puntos, 11 rebounds, ug 11 assists sa duwa nga gipahigayon sa Smart Araneta Coliseum.
Samtang adunay 14 puntos ug unom ka rebounds si Japeth Aguilar, ug 13 puntos usab si Norbert Torres. Gidayeg ni Ginebra coach Tim Cone ang performance ni Thompson ug gitawag kini nga usa ka “legendary” nga duwa.
Ang katapusang nakatala og triple-double kaniadto mao si Ronnie Magsanoc, pinaagi sa 32 puntos, 13 rebounds, ug 18 assists niadtong 1990 All-Filipino Conference.
Nasayang lang ang 22 puntos nga gihimo ni CJ Perez, samtang nalimitahan sa siyam ka puntos si June Mar Fajardo bisan pa man sa iyang 20 ka rebounds alang sa Beermen.
