BUTUAN CITY – Gikumpirma ni Marfin Tan, usa ka fishing magnate sa General Santos City nga usa ka grupo sa mga golfers, negosyante ug mga scuba divers ang apil sa mga sakay sa mitiklaob nga recreational vessel nga MCBA Amejara sa Davao Gulf.
Gikumpirma usab niini nga ang tripolanteng si Christopher Bulig lang ang na-rescue sa mga mangingisda human kini napadpad sa Balut Island.
Kini na usab ang nag-asuy nga niadtong Enero 16 sa alas-singko sa hapon dihang gihapak ang ilang sakayang pandagat og mga dagkong balud atol sa ilang recreational fishing apan padayon gihapon ang ilang paglawig. Pagka-alas kwatro na sa kaadlawon sa Enero 17 dihang kalit nga mitiklaob ang motorbanca rason sa ilang pag-panic ug nanaka sa ikaduhang andana niini apan hingpit gihapon kining na-unlod.
Gikan sa grupong nagkupot sa pisi, mibuwag matud pa sila Bulig ug Herwin Tan ug milangoy sa lahi nga direksyon.
