BUTUAN CITY – Gipadayon sa Israel ang ilang pag-atake sa southern Lebanon bisan pa man sa panawagan sa mga world leaders atol sa UN General Assembly sa New York nga hunungon na kini. Gitahol sa health ministry sa Lebanon nga unom ka mga twao ang patay sa entiro gabii nga pag-atake sa Israel hinundan nga kapin na karon sa 560 ang death toll apil na ang 50 bata, sukad gisugdan ang Israeli strikes niadtong Lunes.
Parehong gikumpirma sa Israel ug sa militanteng grupong Hezbollah nga si Ibrahim Qubaisi – usa ka commander nga maoy in-charge sa missile ug rocket systems sa Hezbollah, patay na sa pagpangatake kaganina. Libuang katawhan na usab ang nadislokar sa kinatibuk-ang Lebanon kondiin kadaghanan, nagpuyo na sa mga tunghaan ug sa mga makeshift centres.
Nabalaka na ang UN Human Rights Office sa kadaghan sa mga nakalas nga nakalapas matud pa sa international humanitarian law.
Apan sigon sa Israel, gipugos sila pag-target sa luar nga duna’y daghang tawo tungod kay gigamit matud pa sa Hezbollah ang mga sibilyan isip taming.
