-- ADVERTISEMENT --
BUTUAN CITY-Patay ang 4 ka mga indibidwal nga gituohang suspek sa pagpang-ambush kang Shariff Aguak Maguindanao del Sur Mayor Akmad Mitra Ampatuan kinsa nakit-an pipila ka oras human sa pagpang-ambush kagahapon sa buntag Domingo, Enero 25 sulod mismo sa maong lungsod.
Sulod sa usa ka minivan, napalgan nga wala nay kinabuhi ang upat ka mga lalaki sa Sitio 24, Barangay Meta, lungsod sa Datu Unsay. Sa kasamtangan padayon pa nga gi-imbestigahan sa mga kapulisan ang hinungdan sa pagkamatay sa mga nasampit nga suspek.
Kahinumduman nga luwas si Mayor Ampatuan sa maong pagpang-ambush gumikan sa bulletproof niini nga sakyanan apan duha sa iyang security detail ang padayon pang gina-atiman sa balay-tambalanan.
