BUTUAN CITY – Naghatag na og pamahayag ang usa sa tulo ka mga kandidata sa Miss Earth 2022 nga na-disqualify tungod sa height requirement.
Sa interview sa Bombo Radyo Philippines, gibutyag ni Miss Earth 2022 Candidate Michele Okol kinsa representante sa Siargao Island, gisukod matud pa sa iyang team ang iyang height nga kansa gamay lang ang kuwang aron makasulod siya sa 5’4 height requirement sa maong beauty pageant.
Apan dihang subli siyang gisukod sa Miss Earth Organization duha ka adlaw adiser ang anunsyo sa Top 20, wala na kini gikonsidera ug nagdesisyong i-disqualify na lamang siya sa kumpetisyon.
Sa pagsalmot sa maong beauty pageant, bitbit ni Michele ang iyang adbokasiya nga sustainable fashion aron matutukan unta ang mga isyung duna’y kalambigitan sa ilabina nga apektado ang iyang gipuy-ang isla sa pagkuso-kuso sa bagyong Odette ning hinapos sa tuig 2021.
Gawas sa sustainable fashion, adbokasiya usab ni Michele sa kumpetisyon ang pagtudlo sa mga panimalay ug komunidad sa proper waste segregation sa basura apil na ang women empowerment nga maghatag og patas nga katugod sa pagpataas sa ang-ang sa kababayen-an ingon man higayon nga anaron ang kakapas sa matag-babaye.
Gisaysay pa ni Michelle ang yang pagsalmot kaniadto sa Miss Universe Philippines kondiin nahimong inclusive ang pageant alang sa tanang kababayen-an rasong nasubo siya sa pagka-disqualify niini sa Miss Earth tungod lang sa height requirement.
Nagpasalamat na lang si Michele sa iyang pamilya nga todo ang suportang gihatag ngadto kaniya ug karon, wala una siya’y planong mu-apil sa mga beauty pageants, aron masa matutukan niya ang iyang pagtuon ug pagba-id pa sa iyang kakapas aron mahimong beauty queen.
