BUTUAN CITY – Malampusong narekober sa nakalabay nga adlaw sa hilit nga lugar sa Barangay Kolambugan, Sibagat, Agusan del Sur ang sudlanan nga puno sa mga materyales alang sa pagbuhat og landmine, mga bala og uban pang suplay sa gitoohang rebeldeng New People’s Army kon NPA.
Human nakadawat og taho gikan sa nagpakabanang lumolopyo, gelayong miresponde ang tropa gikan sa 65th Infantry Battalion, Philippine Army ilalom sa operational control sa 901st Infantry Brigade diin natud-an ang gibutangan sa cache og narekober ang usa ka generator set, 15 ka bala sa 5.56mm ball alang sa M16A1, 30 ka bala sa AK45, 15 ka bala sa Cal. 50, 2 ka magazines sa M16A1, usa ka magazine sa AK47, 125 ka blasting caps, 150 metros nga detonating cord, 20 kilos nga explosibong materyales og nagkadaiyang subersibong dokumento.
Sigon ni LT.Col. MICHEL G MORTEJO, Commanding Officer 65IB Philippine Army ang maong pagkadiskubre nagpamatood sa padayon nga paglapas sa walhong grupo sa International Humanitarian Law tungod sa paghimo og anti-personnel mines.
Nisaad nalang ang opisyal alang sa kaluwasan og seguridad sa mga residente batuk sa mga kalihukan sa kumunistang teroristang grupo.
