BUTUAN CITY – Gi-inagurahan na kaganinang buntag sa Civil Aviation Authority of the Philippines kon CAAP-Caraga ang gipalapdan nga terminal building sa Butuan Airport nga gipangunahan nila Department of Transportation kon DOTr undersecretary for aviation and airports Roberto Cecilio Lim, CAAP Director-General Manuel Antonio Tamayo, Chief Financial Officer Marianne Raymundo, ug CAAP Caraga General Manager Evangeline Daba.
Sa iyang mensahe, gipadayag ni Director-General Tamayo nga duna’y dakong potensyal ang dakbayan sa Butuan nga mahimong usa ka major gateway dili lang sa Caraga Region apan apil na sa tibuok Mindanao tungod sa kalapad na sa airport nga maka-cater pa og dugang mga pasahero.
Kini ilabina nga gi- upgrade na niini ang mga serbisyo sa ingon mahatagan ang publiko og luwas, episyente, secured ug komportable usab nga transport services human kini gigahinan og 17-milyunes pesos.
Gidayeg usab niini ang hugot nga kooperasyon sa lokal nga kagamhanan ning siyudad alang sa katumanan sa maong proyekto kansa nakatabang sa gobyerno pinaagi sa transportation department, paghatag sa ilang misyon sa ingonmahatagan og mas luwas nga biyahe ang mga sumasakay padulong sa managlahing destinasyon sa nasud.
Target sa opisyal nga himuong model airport kini sa uban pang mga airports nga i-repair sa CAAP ilabina nga lgawas sa kahinlo kaayo sa palibot, lakip sa mapasigarbo ang maayong seguridad sa palibot tungod sa gimontar nga mga CCTV cameras.
Kini gawas pa sa mga K-9 dogs nga anaa ang Bancasi Airport kansa mao lang ang bugtong naka-purchase og ingon niini sa tiibuok nasud.
