BUTUAN CITY – Nidangop ning sibyahan ang usa sa mga lumolupyo sa Brgy. San Ignacio ning syudad sa Butuan human wala na maka antos sa kahinay sa lihok sa panggamhanan sa ilang baranggay mahitunod sa kabaho sa basura nga ginatambak sa usa ka factory og pagkaon sa ilhang Barangay.
Saysay sa reklamante nga si alyas “Alex” nga ning dangop na matud pa sila sa ilang Barangay, apan wala kini aksyon tungod kay kinahanglan pa kuno sa maong mga residente og “formal letter” nga ihatag sa mga hintungdang ahensya sa goberno.
Sumala pa ni Alex nga tumang pag-antos ang ilahang gihimo sulod na sa pipila ka mga bulan sa kabaho sa basura sa nasangpit nga establisemento nga nagtipun-og ra.
“Kami nga mga residente maoy nag antosan ani sa kabaho labi na sa oras ting kaon, pirmi mag labad among ulo sa baho maglain ang paminaw sa kalawasan labi na sa mga bata.”
REKLAMANTE NGA SI ALYAS ALEX
Kahibaloan nga ang maong dakbalay, factory sa usa ka food chain sa dakbayan sa Butuan.
Atangi ang dugang detalye.
