BUTUAN CITY – Dismayadong midangop ning sibyahan ang pipila ka mga residente sa Brgy. Agusan Pequeño ning siyudad sa Butuan tungod sa pagsulay pagkibhang sa ilang gidawat nga 5-mil pisos nga ayuda alang sa Assistance to Individuals in Crisis Situation kon AICS.
Nasayrang ang maong ayudad gikan sa Department of Social Welfare and Development ug gitunol lang sa Talino at Galing ng Pilipino kon TGP partylist niadtong Sabado.
Sa reklamo ni alyas George, gi-chatan matud pa sila ni Kagawad Neil Ababon ug Kagawad John Rufa nga sa maong kantidad, 2,500-pisos lang ang ilang hangtud nga gihimo nang 2-mil pisos ug sa katapusan, gihimo nang 1,500-pisos. Ang maong mga konsehal mao matud pa’y facilitator sa nasangpit nga ayuda ug mimando kanila nga i-Gcash ang kwarta ug dihang nabulabog, ila nang gipa-house to house ang koleksyon pinaagi matud pa ni barangay treasurer Lolit Pagalawan.
Pasi-atab pa sa duha ka konsehal, igo lang matud pa silang gisugo sa partylist aron i-apod usab sa uban nga wala sa listahan.
Ang tipik sa reklamo ni alyas George Apan dali kining ginegar sa TGP partylist tungod kay tibuok 5-mil pisos ang madawat sa matag-benepisyaryo ug wala usab matud pa sila nagmando nga kibhangan kini
