BUTUAN CITY – Super proud ang mga ginikanan sa Butuanon nga si Joel Diomar ‘JD’ Cagulangan alyas Mai-Mai mga makonsidera kining bayani human gidala ang ilang University of the Philippines (UP) Maroons team sa kampyunato sa UAAP 84 kagabii.
Kini human nasulod ni JD ang iyang pangpatay nga 3-point shot rason nga nakuha sa UP ang kampyunato nga katapusan nilang nasakmit niadtong 1986 kon 36 ka tuig na ang nakalabay.
Sigon sa magti-ayong Joel ug Lilibeth Cagulangan, sa eksklusibong pakighinabi sa Bombo Radyo Butuan, live silang mitan-aw sa dula kagabii rason nga super proud sila sa performance sa ilang anak nga maoy mitapos sa paghari sa Ateneo sa UAAP.
Gibutyag usab sa amahan niini nga hilig na ni Mai-Mai nga mu-uban sa iyang mga dula kondiin bisan niadtong 9-anyos pa kini, naktia na nya ang kusog nga IQ niini sa basketball hangtud nga gituman na niya ang pangandoy nga mahimong basketball player ug nakasulod sa koponan sa UP human mibalhin gikan sa La Salle -Greenhills.
