BUTUAN CITY – Tumang kalisang ang gibati ni Siony Pañares, residente sa Sitio Dahican, Brgy. Salvacion, Lingig, Surigao del Sur atol sa engkwentro tali sa mga pulis ug sa mga sakop ni Joel Apolinario kagahapon.
Nasayrang wala masayod si Pañares nga natapsingan na diay siya sa iyang walang bahin agtang dihang kamulo siya og pangita sa iyang mga anak human nagbuto-buto.
Sa eksklusibong pakighinabi sa Bombo Radyo Butuan, gibutyag ni Pañares ng dihang iyang nadunggan ang unang mga buto, dali siyang mikanaog aron apason ang usa niya ka anak nga naligo sa dagat.
Adiser pa niya nahuna-hunaang nabiyaan diay niya ang iyang kinamanghurang anak nga puya rason sa pagdali-dali nila og dagan pa-uli.
Didto na matud pa niya nabantayan nga nagkadugo na ang iyang anak rason nga gitu-uhan niyang na-igo kini apan nagtago gihapon sila sa pansayan samtan nagkurog sa kahadlok.
Adiser pa niya nasuta nga siya ang natapsingan dihang mihapdos na ang iyang samad apan mapasalamaton gilhapon siya nga wala sila madamay sa maong hitabo.
