BUTUAN CITY – Padayon karun ang lawom nga imbestigasyon og hot pursuit operation sa kapulisan batuk sa suspetsado nga mipusil-patay sa usa ka Ginang kagahapon sa alas 3:45 sa hapon sa may P-7, Brgy. Quirino, Madrid, Surigao del Sur.
Naila ang biktima nga si Analyn Surita Dahunog, 36-anyos, menyo, ug nanimoyo sa maong dapit. Sa impormasyong nakuha ning sibyahan, sakay ang biktima sa pampasaherong van nga gikan sa Tandag City og pagkanaog sa kanto sa maong dapit, dunay wala mailhing lalaki nga naglakaw og kalit lang midool sa biktima og pusil sa makaduha ka higayon nga maoy hinungdan sa iyang hinanaling kamatayon.
Daling misibat ang suspetsado sa wala matinong direksiyon.
Sa karun padayon usab nga gipakisayran sa mga personahe sa Madrid Municipal Police Station ang posibleng motibo sa maong panghitabo.
