BUTUAN CITY – Gihikay na ang mga kasong atubangon sa magti-ayong Salazar human nakuhaan og unom ka sachets sa suspected shabu sa mismong Small Town Lottery kon STL outlet nga gitrabahuan sa misis nga subject sa operasyon.
Naila ang mga nadakpan na sila Maricris ug Reggie Salazar, residente sa Brgy. Limaha ning siyudad sa Butuan kondiin ang misis maoy cashier sa STL outlet sa may Andaya Subdivision sa Purok 5, Brgy. Fort Poyohon ning siyudad.
Apil sa nakuha sa operasyon ang 500-pesos nga marked money, duha ka cell phones, motorsiklong nagnegatibo sa ginadiling druga.
Sigon ni raiding team head Jovy Balanon, bag-uhay pa lang nila na-apil sa target list ang magti-ayon taliwa nga dugay na matud pang nalambigit sa maong kalihukan.
Dugay nila kining nadiskitahan og duha ka semanang gi-surveillance apan dugay lang nabulabog tungod sa ilang pantalya gamit ang STL outlet diin nag-cashier si Maricris hangtud nga nakumpirma nila ang ilang modus.
Samtang gibutyag ni Fort Poyohon Brgy. Captain Archie Palad-Golde, mismong ang mga subject persons ang nagdala sa maong mga ilegal nga druga tungod kay wala’y illegal drug activities sa maong dapit ilabina nga ukupado matud pa ang mga residente niini sa ilang trabaho tungod kay kadaghanan kanila mga professionals.
