BUTUAN CITY – Gikuha gilayon ni Senador Joseph Victor ‘JV’ Ejercito ang mga detalye may kalabutan sa gimaltratong domestic helper nga atua sa Kuwait.
Kini human gipaningkamutan sa Bombo Radyo Butuan nga matabangan ang OFW nga si Edinel Coronacion Salvacion nga taga-Quezon Province, kinsa nakarelasyon og taga-Brgy. Lumbocan ning siyudad sa Butuan kinsa nag-post og hulagway nga nagkadugo tungod matud pa sa pagmaltrato sa iyang amo.
Sigon ni Senador JV Ejercito sa eksklusibong pakighinabi sa Bombo Radyo Butuan, ipa-bot gilayon niya ang maong sumbong ngadto sa hingtungdang ahensiya sa gobyerno sama sa Overseas Workers Welfare Administration kon OWWA, Department of Labor and Employment kon DOLE, Department of Foreign Affairs kon DFA ug Philippine Embassy aron sa ingon ma-aksiyunan.
Nasayrang si Senador JV Ejercito ang nagpahayag ug kagustuhang i-institutionalize na ang legal assistance fund kon LAF alang sa mga OFWs nga duna’y problema sa mga nasud nga ilang gitrabahuan. (Rolan Janea)
