BUTUAN CITY – Gitapos sa Brazil ang pangandoy sa Gilas Pilipinas nga makasulod sa Paris Olympics human nga giparot sa nasod ang national Team sa Pilipinas kagabie alang sa FIBA Olympic Qualifying Tournament semi-finals sa iskor nga 71-60.
Taliwala pa man sa pagpanguna sa Pilipinas sa halftime, partikular sa 1st quarter, diin gilubong niini ang Brazil sa iskor nga 22-12, nag lisod gihapon kini og saka sa ika tulo nga quarter, diin ning iskor lamang kini ug 6 puntos, samtang ning kamada ang kalaban niini og 24.
Gihimo usab nga puhonan sa Brazil ang pagka-bangko ni Kai Sotto, asa nanguna si Bruno Caboclo ug Marcelo Huertas ang pagpaulan og puntos alang sa ilahang kadaugan.
Tuod man, ning kamada gihapon si Justine Brownlee og 15 puntos, apan dili gihapon kini igo arun makabalik ang kuponan sa Olympics, diin katapusan kining nakatungtong sa maong international game niadtu pang 1972.
