BUTUAN CITY – Napildi ang Gilas Pilipinas batok sa New Zealand Tall Blacks sa FIBA World Cup 2027 Asian Qualifiers (Window 2) nga gipahigayon sa Mall of Asia Arena sa Pasay City ning gabhi-una lang sa score nga 69-66
Kini mao ang unang kapildihan sa Gilas sa qualifiers human sa ilang 2-0 sweep kontra Guam sa unang window kondiin sunod nilang kontra mao ang Australia karong Dominggo sa parehas nga venue.
Sa New Zealand, si Sam Mennenga nagpakita og kusog nga performance uban sa 10 puntos ug 14 rebounds.
Nakahimo ang Gilas og late rally, apan kulang sa oras aron ila man lang untang madala sa overtime ang dula.
Si Dwight Ramos ang nag-una sa scoring alang sa Pilipinas uban sa 16 puntos ug 8 rebounds samtang nagdugang usab si CJ Perez og 15 puntos, samtang si Juan Gomez de Liaño nakahatag og 10 puntos sa iyang debut.
