BUTUAN CITY – Gilubong sa Gilas Pilipinas ang Hong Kong s iskor nga 93-54 sa dula niini kagabie alang sa pagpabilin sa kartada niining walay pildi para sa FIBA Asia Cup 2025 Qualifiers, gihimo ang maong dula sa Mall of Asia Arena.
Sugod pa lamang sa dula, dominado na sa Gilas Pilipinas ang nasnagpit nga panagsangka diin epesyenteng nagamit sa nasnapit nga kuponan ang ka-taas ni Kai Sotto ug Jun Mar Fajardo arun mo saka pa og maayo ang labaw sa Gilas. Kini na ang katapusang dula sa maong kuponan sa Pilipinas alang sa window 2 ug makuha usab ang 4-0 nga bentahe sa Group B.
Tungod sa maong kadaugan, sigurado na ang pagbalik-dula sa Gilas sa FIBA Asia Cup nga himoon sa Saudi Arabia karong Agosto. Sayran nga bugtong si Dwight Ramos lamang ang wala makadula sa maong kuponan alang sa calf injury. Nag-una sa kadaugan sa Gilas si Carl Tamayo nga nakatala og 16 puntos, ug lima ka rebounds.
Samtang, duna usay 13 puntos, tulo ka rebounds ug tulo ka assists si Justin Brownlee, ingon man ning kamada usab og 12 puntos , 15 ka mga rebounds ingon man duha ka blocks si Kai Sotto.
Sunod usab nga laban sa Gilas ang third window sa FIBA Asia Cup Qualifiers nga himoon sa Pebreo 20 kontra sa Chinese Taipei ingon man sa New Zealand karong umalabot nga Pebrero 23.
