BUTUAN CITY – Gipadayag ni Gilas Pilipinas Coach Tim Cone ang pagkadismaya niini sa performance sa kuponan alang sa 2nd Doha International Cup, giangkon usab sa maong coach nga nag lisod matud pa ang mga players sa Pilipinas sa maong torneo.
Kahinumdumang taliwala sa kusganong opening sa Gilas kontra Qatar, giantus gihapon sa maong kuponan ang pagkapukan sa sunod-sunod niining duha ka dula batok sa Lebanon ug Egypt, kansa maoy nag bira sa nasangpit nga grupo sa rekord nga 1-2.
Gipasangil ni Cone ang way-ayo nga performance sa kuponan sa mga hagit nga giatubang sa Gilas tungod sa taas nilang byahe ingon man sa back-to-back nilang schedule sa dula.
Apan gawas niini, giklaro gihapon ni Cone nga duna silay mga napu-po nga pagtulon-an sa maong sunod-sunod nga kapildihan, ilabi na kung unsaon nila pakigsabay sa mga bagsik og lawas nga mga mandudula sa Middle East.
Naglaum nalang kini magamit nila ang maong kaalam sa umalabot nga FIBA Asia Cup Qualifier games batok sa Chinese Taipei ug New Zealand.
