BUTUAN CITY – Nalandig sa Caraga Regional Hospital sa Surigao City ang usa ka lalaki human gipusil pasado alas-2:20 sa kaadlawon sa may Borromeo St., Brgy. Taft.
Naka-angkon og duha ka samad-pinusilan sa iyang likod ang 31-anyos nga biktimang si Ariel Limbo Navarate, naagpuyo sa Sitio Tumanday 2, Brgy. Rizal, sa maong siyudad.
Migawas sa imbestigasyon sa kapulisan ngadto kang Ruel Sagalot Dolar nga samtang nag-order sila og pagkaon, duha ka lalaki na ang nag-atang kanila.
Nangutana matud pa ang usa sa kung miyembro sila sa Alpha Kappa Rho fraternity og dihang mibalibad sila, gisumbag nila ang biktima ug dihang wala pa makontento, dinhi na kini gipusil.
Daling misibat sa wala pa matinong direksyon ang mga suspek samtang gidala usab sa ospital ang biktima.
