BUTUAN CITY – Pormal nang gibuhian sa custodial force sa New People’s Army ang usa ka kanhi CAA member nga una nang gidagit ning milabay’ng adlaw.
Sa pakighinabi ning sibyahan, gibutyag ni Ka Sandara Sidlakan, nagpa-ilang tigpamaba sa NPA’s Guerilla Front Committee 21, nga luwas ug wala’y tatsa nilang gi-release ang dinakpan nga si Arnold Panisan, 34-anyos, minyo, taga- Brgy. Mahaba, syudad sa Cabadbaran, lalawigan sa Agusan del Norte kagahapon sa alas- 3:30 sa hapon.
Sigon niini, nahukman matud pa nga buhian sa walhong grupo ang maong dinakpan human sa ilang gihimong inisyal nga imbestigasyon mahitungod sa iyang pagka-informant matud pa sa kasundaluhan ug pagkalambigit sa gun for hire.
Matud pa, bisan paman ug gibuhian na kini apan padayon gihapon nila kining i-monitor aron maseguro kung mituman ba kini sa iyang mga gipasalig.
Gisaksihan ang nasangpit nga pagbuhi sa mga opisyal sa Brgy. Mahaba ingon man mga kabanay niini.
Mahianumdumang gidagit si Panisan niadtong Agosto 21 bandang alas – 4 sa hapon tungod na usab sa mga taho nga nalambigit kini sa mga dili maayong binuhatan. (Mon Aplaya)
