BUTUAN CITY – Sobra ra. kini ang nakita ni Nonok Plaza, kanhing Preidente sa Kapisanan ng mga Brodkaster nga Pilipinas – Agusan del Sur Chapter sa obserbasyon niini sa gidaghanon sa mga kapulisan nga nangita kang Kingdom of Jesus Christ leader Pastor Apollo Quiboloy.
Sumala niini nga legal og nauyon sa balaod ang pagpangita sa maong Pastor tungod kay gikan matud pa sa korte ang maong mando, rason nga kinahanglan gayud sa mga pulis nga eserve ang arrest warrant ngadto na kang Quiboloy.
Apan dugang niini nga taliwala pa man sa legalidad sa maong pag serve sa arrest warrant, dili gihapon lalim ang maong panghitabo diin ningkabat sa 2-mil ka mga kapulisan ang gipadala sa usa lamang ka dapit alang sa pagpangita sa unom lamang ka mga indibidwal.
Sigon ni Nonok nga labing apektado matud pa sa nasnagpit nga kaguliyang ang mga Dabawenyos, ingon man ang mga membro usab sa simbahan ni Quiboloy nga Kingdom of Jesus Christ. Suma niini nga wala may sayop sa pag serve sa mga police sa nasangpit nga warrant of arrest kang Quiboloy, ilabi na nga tinuod matud pang nalambigit kini sa Child Abuse ug uban pang mga illegal nga binuhatan subay na usab sa korte, apan dili lang matud pa maayong lantawon nga tungod lamang sa pagserve sa arrest warrant, duna nay mga masakitan.
Ang pamahayag ni Nonok Plaza, kanhing Presidenete sa Kapisanan ng mga Brodkaster nga Pilipinas – Agusan del Sur Chapter sa eksklusibong pakighinabi ning sibyahan.
