BUTUAN CITY – Dili na kinahanglang pulihan pa ang pwesto nga gibiyaan ni Senador Sonny Angara human kini nahimong kalihim sa Department of Education (DEPED). Kini ang gikabutyag ni Senate President Chiz Escudero, diin gipasabot niini nga usa nalang man pod katuig, mahuman na man ang termino ni Senador Angara sa pagkasenador.
Subay ni Escudero nga makagasto lamang og dako ang gobyerno kung maghimo pa kini og especial election para lang mapulihan si Senador Angara.
Ayaton niini, 23 nalang ka Senador ang maglihok karon sa Senado karong wala na si Senador Sonny kanila.
Alayon niini, proud usab si Senadora Nancy Binay sa kaalyado niya sa Solid 7 sa Senado, nga kini ang napili ni Presidente Marcos isip hulip kang Vice President Sara Duterte.
Sumala sa Senadora nga kampante siyang dili mangayo og confidential funds si Senador Sonny Angara, kansa maoy nahimong isyu ni Vice President Sara sa siya pa ang naglingkod isip Education Secretary.
