BUTUAN CITY- Gibarogan sa Department of Information and Communications Technology kon DICT nga ang giingong leaked documents sa Association of Southeast Asian Nations kon ASEAN Summit 2026 wala naglangkob sa lig-on ug tinuod nga impormasyon.
Sumala sa ahensya, nga mga papeles mao lamang ang mga preparatoryo ug administratibong dokumento ug wala naglakip sa mga sensitibong agenda, opisyal nga deliberasyon, o polisiya nga adunay kalabutan sa summit.
Gisiguro usab sa DICT nga wala pa’y ebidensya nga nakompromiso ang ilang sistema ug mga classified materials.
Samtang, giimbestigahan na sa Philippine National Police kon PNP ang insidente ug mingsaan sa DICT nga mas palig-onon pa ang cybersecurity measures aron masiguro ang seguridad sa ASEAN 2026.
