BUTUAN CITY – Hingpit nang nahimong santo kagahapong adlawa, Setyembre 7, 2025, si Carlo Acutis, usa ka 15-anyos nga Italyano kansa gitawag usab nga “God’s influencer,” pinaagi sa canonization mass nga gipangunahan ni Pope Leo XIV sa St. Peter’s Square, Vatican City. sayrangnamatay si Carlo niadtung 2006 tungod sa sakit nga leukemia.
Giila usab kini sa iyahang lawomnga pagsalig sa Dios ingon man sa paggamit sa teknolohiya arun ipakaylap ang debosyon sa Eukaristiya. Nakamugna kini og website kansa nagdokumento sa kapin 100 ka mga milagro may kalabutan sa Eukaristiya. Sayrang duha ka mga milagro ang giila sa Simbahang Katolika nga may kalambigitan kang Carlo.
Una niini ang pagkaayo sa usa ka batang Brazilian gikan sa rare pancreatic disorder, ug ang pagkaalim usab sa estudyanteng Costa Rican gikan sa head injury. Sumala sa inahan niini, normal lang nga bata si Carlo. Hilig kini sa video games ug soccer, apan abli matud pa ang kasingkasing niini para sa Diyos.
Gibutang ang lawas niini sa Assisi, Italy — kansa mao usab ang lugar ni San Francisco sa Assisi. Sayrang jeans, sneakers, ug hoodie lang ang suot ni Carlo sa lubnganan niini.
