BUTUAN CITY – Bahin ang opinyon ni Ritchie Ravelo, Presidente sa Federation of Eastern Suburb Four Seater TODA, alang sa gipahugtan sa City Transportation and Traffic Management Department kon CTTMD-Butuan ang 10 kilometer per hour nga speed limit sulod sa mga lugar nga anaa sa 500-meter radius gikan sa mga eskwelahan ug ospital, diin duna’y daghang mga pedestrian ug motorista.
Sigon ni Ravelo, makatabang kini alang sa mga tunghaan, diin daghang kinabuhi sa mga bata ang kinahanglang protektahan, apan dili matud pa kini applicable sa ubang mga lugar sama sa mga ospital tungod kay mamahimong daghan matud pa ang mga sakyanan nga magdali sa maong dapit tungod sa emergency, ilabina kadtong mga gadali ug wala migamit og ambulansya.
Nasayrang daghan ang mga mireklamo sa maong ordinansa tungod kay dili man tanang sakyanan, makakaya sa maong speed limit. Suhestyon ni Ravelo, kinahanglang dunay oras nga kinahanglang tumanon sa mga motorista ang nasangpit nga speed limit.
Mahimo matud pang makapakusog sa dagan sa ilang mga sakyanan ang mga motorista panahon sa dili tin gawas sa klase o kaha rush hour.
Ang pamahayag ni Ritchie Ravelo, Presidente sa Federation of Eastern Suburb Four Seater TODA.
