BUTUAN CITY – Nagpositibo sa gihimong drug test ang usa ka pulis nga nadakpan sa gihimong drug buy bust operation pasado alas-11:30 ning mi-aging gabii sa Purok 2, Barangay Alegria, lungsod sa San Francisco, Agusan del Sur.
Gi-ila ni PLCol Milan Naz, hepe sa San Francisco Municipal Police Station ang nadakpan nga si alyas “Dwin”, 32-anyos, minyo, residente sa Purok 6, Barangay Amaga, lungsod sa Barobo, Surigao del Sur.
Aktibo matud pa kini sa serbsiyo ug na-assign sa Regional Communication and Electronic Unit sa Police Regional Office-12 nga nakabase sa General Santos City.
Taud-taud na matud pa nilang gi-surveillance ang maong pulis kinsa naka-work from home tungod sa iyang balatian ug dihang napalitan siya og suspected shabu sa usa ka poseur buyer, dinhi na siya gisikop ug gihikay na ang tukmang kasngipasaka batuk kaniya.
