BUTUAN CITY – Nabutang “floating status” ang pito ka mga opisyal sa Bulacan First District Engineering Office human sa pagkalambigit niini sa ghost project sa maong nasod.
Sumala ni Department of Public Works and Highways kon DPWH Secretary Manuel Bonoan nga gi-isyuhan na matud pa ang nasangpit nga mga opisyal og show-cause orders.
Sumala sa kalihim, kasamtangan na matud pang gipaimbistigahan sa ilahang ahensya ang maong isyu, ug ning sad nga tanggalon sa pwesto ang masakpang may kalambigitan gayud sa kurapsyon.
Lakip sa mga nabutang sa “floating status” sila si kanhi District Engineer Henry Alcantara, OIC District Engineer Brice Ericson Hernandez ug uban pang mga empleyado. Ang maong lakang kay gihimo human sa pag inspeksyon ni Presidente Ferdinand Bongbong Marcos Jr. sa mga ghost projects sa nasangpit nga rehiyon.
Sigon ni Bonoan, 400 ka mga proyekto na ang ilahang kasamtangan nga gina verify, sukad niadtung 2022 ngadto sa 2025, lakip matud pa niini ang mga proyekto sa nakalabay nga administrasyon. Saad sa kalihim, wala matud pa silay palabyon nga opisyal sa maong imbistigasyon, ug tanggalon gayud ang mga masakpang may kalambigitan sa kurapsyon.
