BUTUAN CITY – Gidangop na ngadto sa kapulisan sa Buenavista, Agusan del Norte, ang bangi sa usa ka pamilya sa Brgy. Guinabsan, nga misangpot sa pagpangbahad.
Subay sa pamahayag ni Chariza Melicio, kalagot matud pa ang ilang gibati dihang walay police nga ni-abot sa ilahang panimalay human sila gi-harass sa iyaong igsoon taliwala pa man nga nakatawag na sila sa mga pulis. Nakatawag pa sila sa Provincial Mobile Force Company kon PMFC sa nasangpit nga barangay ug nakig koordinar ang kapulisan sa Barangay Kapitan, rason nga ang kapitan na ang niduol sa panimalay sa iyang igsoon kondiin gibakakan matud pa sa asawa niini nga wala sa ilang balay rason nga wala nay pulis nga nidayon og rescue sa pamilya.
Saysay pa ni Chariza, tumang kalisang ang ilang gibati sa iyang mga anak ug sa iyang ginikanan dihang nagwara-wara na og sundang ang iyang igsoon, ug nagpabuto pa og pusil sa makatulo tungod lamang kay nabikil ang asawa niini sa ilang inahan.
Sa kasamtangan, anaa na sa Barangay Taguibo ang pamily ani Chariza nagpasilong samtang gidool pa nila sa kapulisan ang maong panghitabo, apan wala matud pa sila masayod kung hain na ang iyang manghod nga matud pa.
Ang pamahayag ni Chariza Melicio sa eksklusibong pakighinabi ning sibyahan.
