BUTUAN CITY – Nagpagawas na og general flood advisory alang sa entiro Caraga Region ang Philippine Atmospheric, Geophysical and Astronomical Services Administration kon PAGASA-Butuan human nasigpatan kaganinang alas-3:00 sa kaadlawon ang usa ka low pressure area kon LPA nga gilay-ong 200 kilometros sa sidlakan amihanang sidlakan sa Surgiao City sakop sa Surigao del Norte.
Anaa pa ang hanging habagat kon Southwest Monsoon nga naka-apekto sa kasadpang bahin sa Southern Luzon, Visayas ug Mindanao. Tungod niini, lauman ang 12-oras nga hngay ngadto sa kasarangang pag-ulan, panalog ug pagpangilat.
Gila-umang maka-apekto kini sa kasubaan ug tributaries sa Dinagat Islands province partikular sa Malinao inlet ug Gaas lulet.
Apil sa mga lalawigang apektado niini ang Surigao del Norte ug Sur ug Agusan del Norte ug Sur.
Alayon niini, gi-awhag ang tanang nagpuyo sa mga ubos nga dapit ug kading anaa kilid sa suba o kaha bukid nga magpabiling alerto sa posibleng mga pagbaha ug pagdahili sa yuta.
Gi-awhag usab nila ang mga Local Disaster Risk Reduction and Management Councils nga magbinantayon karon alang sa himuon gilayong pagresponde higayong duna’y emerhensyang mahitabo.
