BUTUAN CITY – Gitawag sa abogdo sa Kingdom of Jesus Christ nga si Atty. Israelito Torreon nga bakakon si Police Regional Office-11 Director Brig. General Nicolas Torre III nga bakakon human sa gipahigayong ocular inspection kagahapon sa buntag.
Sumala sa abogado, naklaro atol sa inspeksyon nila Senador Ronald ‘Bato’ de la Rosa nga dunay gihimong pagkalot sa sulod nga bahin sa KOJC compound. Subay sa pagsusi sa City Building Office sa flooring sa basement sa Jose Maria College kon JMC gamit ang Ultrasonic Concrete Testing equipment, nasuta nga bag-o pa kini gisemento ug anaa pa sa duha ngadto sa tulo ka adlaw.
Una nang gipagawas ni Atty. Torreon ang mga hulagway sa mga bangag sa yuta sulod sa KOJC apan gihagit na hinoon Torre si Torreon nga ipresenta kaniya ang indibidwal nga naghatag kaniya sa maong hulagway.
Alayon niini, gibatikos usab sa maong abogado ang kapulisan tungod kay matag-simba kanila, patingogon sa mga pulis ang Long Range Acoustic Device kon LRAD, kansa gipaboran usab ni Senador Ronald Bato Dela Rosa atul sa pagdungog sa Senate Committee on Justice and Human Rights kagahapon nga gihimo sa Davao City.
Ang tipik lang sa tinubagay nila ni KOJC legal Counsel Atty. Israelito Torreon, Senador Bato Dela Rosa, ug Regional Director Police Brig. General Nicolas Torre III.
