BUTUAN CITY – Nagpagawas na og pormal nga pamahayag si kanhi Philippine National Police (PNP) Chief Nicolas Torre III sa iyang opisyal nga Facebook account kondiin iyang gipasabot ng mga espekulasyon kabahin sa iyang relasyon kang Pangulo Ferdinand Marcos Jr. Gisiguro ni Torre nga wala siyay bisan unsang kalagot o kasakit sa pangulo dayong pasalamat sa tanang mga indibidwal nga nagpakita sa ilang suporta kaniya taliwala sa mga panghitabo.
Bisan pa niana, sa iyang mensahe, miapela ang kanhing PNP Chief sa publiko nga dili siya kaloy-an o tagaan og sobra nga simpatiya.
Imbes nga siya ang kaloy-an, gibutyag niini nga mas angay hatagan og pagtagad ug kalooy ang mga Pilipino nga nagpadayon pag-antos ug nangahimong biktima sa nagkalain-laing pagbaha sa nagkalain-laing dapit sa nasud.
Matod pa niya, sila ang tinuod nga nanginahanglan og tabang ug suporta karong panahona.
