BUTUAN CITY – Nadawat na ni Presidente Ferdinand Bongbong Marcos Jr. ang National Expenditure Program (NEP) alang karong 2026 gikan sa Department of Budget and Management (DBM). Sa kinatibuk-an, nagkantidad ang maong budget og P6.793-trillion, 7.4% nga mas taas kung itandi sa budget ning tuiga nga P6.326-trillion.
Subay niini, ibalik na usab ang maong proposed budget House of Representatives karong adlawa. Sumala ni Budget Secretary Amenah Pangandaman, lakip sa gipokusan sa maong budget ang mga sector sa Edukasyon, panglawas, social protection, depensa, pagkaon, agrikultura, transportasyon, ug ang pagmugna og mga trabaho alang sa mga Pilipino.
Makuha usab sa mga programa sa pangamhanan ang pinakadako niining bahin, ingon mn sa mga sweldo ug benipisyo sa mga trabahante sa pangamhanan, lakip na usab sa imprastraktura.
Sumala sa DBM nga mamahimong madelay pa ang mga bag-ong proyekto sa pangamhan, lakip na usab ang pagpasaka sa suholan sa mga magtutudlo.
Gi-deny ni House Deputy Speaker Ronaldo Puno nga ang House of Representative ang hinungdan sa pagtanggal sa P74 billion nga budget sa PhilHealth ug sa P12-billion cut sa Department of Education’s budget sa 2025 General Appropriations Act.
Sumala niini nga nabag-o lamang ang maong mga budget dihang natransmit na kini sa Senado. Dugang pa ni Puno nga nga dili sugdan sa house of Representatives ang pag review sa kasamtangan nga budget proposal kung walay manubag sa mga adjustments nga gihimo sa 2025 national budget.
Ang pamahayag ni House Deputy Speaker Ronaldo Puno.
