BUTUAN CITY – Duha ka adlaw adiser ang coronation night, daw nisaka ang kumpiyansa sa mga Filipino beauty pageant fanatics partikular sa Miss Universe. Kini base na sa mga nadawat nga positive reviews sa pambato sa nasud nga si Gazini Ganados sa gipahigayong preliminary competition kaganina sa Atlanta, Georgia.
Nag showdown ang mga kandidata sa tagsa-tagsa nilang introduction, ingon man sa evening gown og swimsuit competition, og sa national costume. Daghan usab ang nag ingong nga “well prepared” ang 23-year-old half Palestinian beauty nga taga Zamboanga atubangan sa international audience.
Gisul-ob ni Gazini ang nagpanginlap nga kulor gold gown sa kababayan niyang Cebu-based master couturier nga si Cary Santiago. Nahimong host usab ang kasamtangang Miss Universe titleholder nga si Catriona Magnayon Gray.
Sa Lunes sa buntag, Manila time, sulayan ni Gazini nga mahatag ang back-to-back win og ikalimang Miss Universe crown sa Pilipinas. Una nang gikataho nga ipakita niini sa big day ang “phoenix walk” nga matod pa daw naglupad ang iyang paminae samtang nirampa sa Miss Universe stage.
Gihulagway usab niya nga “gorgeous” og daw pinakabonggang irampa sa Pilipinas ang yang mamahimong national costume nga dunay “touch” sa atong nasodnong langgam.
